لاہور: لاہور میں سموگ کی بگڑتی ہوئی صورتحال کے درمیان، پنجاب حکومت نے صوبائی دارالحکومت میں رواں ماہ کے آخر میں مصنوعی بارش کرانے کی منصوبہ بندی شروع کر دی ہے۔

یہ ملک میں اپنی نوعیت کا پہلا تجربہ ہوگا۔

اس حوالے سے صوبائی وزیر ماحولیات بلال افضل اور وزیر تعلیم منصور قادر کی زیر صدارت اجلاس ہوا جس میں شہر میں سموگ پر قابو پانے کے لیے مختصر، درمیانی اور طویل المدتی اقدامات کا جائزہ لیا گیا۔

اجلاس میں سیکرٹری ماحولیات راشد کمال الرحمان، محکمہ تحفظ ماحولیات، سپارکو اور مختلف یونیورسٹیوں کے نمائندوں نے شرکت کی۔       

سموگ کے خاتمے کے لیے مصنوعی بارش کے حوالے سے بھی مشاورت کی گئی اور فیصلہ کیا گیا کہ 28 یا 29 نومبر کو جب موسم ابر آلود رہنے کا امکان ہے تو مصنوعی بارش کے حوالے سے تیاریاں کی جائیں۔